ევროპის 5 ქალაქიდან საქართველოს მიმართულებით ფრენები შესრულდება
რეისები შესრულდება შემდეგი განრიგით:
13 ივლისი - ვარშავა; 15 ივლისი - ბარსელონა; 17 ივლისი - რომი; 22 ივლისი - პარიზი; 28 ივლისი - ათენი.
როგორც მთავრობამ დააანონსა, ბილეთის ფასი 200 ევროზე მაღალი არ იქნება. ამ დრომდე ჩარტერულ რეისებს "ჯორჯიან ეარვეისი" ასრულებდა, რომლის მიმართაც კრიტიკა ბილეთებზე დაწესებული მაღალი ფასის გამო ისმოდა.
ყველა მოქალაქეს, რომელიც ამ 5 რეისით საქართველოში დაბრუნდება, 14 დღის საკარანტინო სივრცეში გატარება მოუწევს.