პეტრო პოროშენკო: რუსეთი ემზადება ყირიმში ბირთვული იარაღის განთავსებისათვის
რუსეთი ცდილობს გადააქციოს ანექსირებული ყირიმი თავისი რაკეტების სასტარტო მოედნად, - ამის თაობაზე უკრაინის პრეზიდენტმა პეტრო პოროშენკომ განაცხადა ნიუ-იორკში, გაეროს გენერალური ასამბლეის სხდომაზე სიტყვით გამოსვლის დროს. პოროშენკოს თქმით, ნახევარკუნძულის ტერიტორიაზე იმყოფება კერძოდ 32,5 ათასი რუსი სამხედრო მოსამსახურე და 50-ერთეულზე მეტი ზალპური ცეცხლის რეაქტიული დანადგარი.
„უკრაინა რეალურად გადაიქცა ნატოს აღმოსავლეთ ფლანგად ტრანსატლანტიკური თავისუფლებისა და დემოკრატიისათვის ბრძოლის საქმეში“, - აღნიშნა პეტრო პოროშენკომ გაეროში.
უკრაინის პრეზიდენტი აცხადებს, რომ მოსკოვმა უკვე მოაწყო ინფრასტრუქტურა ბირთვული იარაღის განსათავსებლად.
უკრაინის პრეზიდენტმა წამოაყენა წინადადება, ჩამოერთვას რუსეთს სიტყვა გაეროს უშიშროების საბჭოში, უკრაინის მიმართ აგრესიული ქმედებების პასუხად.
რუსეთი იმყოფება დასავლეთის მკაცრი ეკონომიკური სანქციების ქვეშ 2014 წლის ყირიმის ანექსიისა და აღმოსავლეთ უკრაინის დესტაბილიზაციისთვის, რომლის შედეგად 10 300-ზე მეტი ადამიანი დაიღუპა.