ჰელსინკიში დაიწყო დონალდ ტრამპისა და ვლადიმირ პუტინის შეხვედრა
ჰელსინკიში იმართება აშშ-ისა და რუსეთის პრეზიდენტების, დონალდ ტრამპისა და ვლადიმირ პუტინის შეხვედრა. პირისპირ საუბრის დაწყებამდე ტრამპმა გამოთქვა რწმენა, რომ აშშ-სა და რუსეთს ექნებათ „განსაკუთრებული ურთიერთობა“ და რომ „რუსეთთან ურთიერთობის მოგვარება არის კარგი და არა ცუდი“. სამიტი არის პუტინთან ტრამპის პირველი შეხვედრა პრეზიდენტის რანგში. პირისპირ საუბრის დაწყებამდე ტრამპს არ უხსენებია ომი სირიაში, რუსეთის მიერ ყირიმის ანექსია, ან აშშ-ის 2016 წლის საარჩევნო კამპანიაში რუსეთის სავარაუდო ჩარევა.