ბრიტანეთის პრემიერის წარმომადგენელი სკრიპალის მოწამვლას გამოეხმაურა
ყოფილი რუსი აგენტისა და მისი ქალიშვილის სავარაუდო მოწამვლა ნერვულ-პარალიტიკური ნივთიერებით „ამაზრზენი და თავხედური დანაშაულია“ - განაცხადა ბრიტანეთის პრემიერ-მინისტრის, ტერეზა მეის წარმომადგენელმა. 66 წლის სერგეი სკრიპალი და მისი ქალიშვილი, 33 წლის იულია კვლავინდებურად მძიმე მდგომარეობაში არიან მას შემდეგ, რაც ოთხი დღის წინ, ისინი უგონოდ იპოვეს სამხრეთ ინგლისში მდებარე სავაჭრო ცენტრის წინ.