Новости за 07.06.2018

Ахәыҷтәы-қәыԥштә шьапылампылтә клуб "Динамо" администратор Гәыранда Ҳашԥҳа Sputnik ахь иаалыцҳаит адунеитә шьапылампылтә чемпионат аҟны ирырҭо ахраҿа хада еиԥшу ахраҿазы Урыстәылазегьтәи атурнир иалахәу Аԥснытәи ахәыҷқәа афина бжахь ишнеиз.

IV Атәылауаа қәыԥшцәа рдунеизегьтәи ахәмаррақәа мҩыԥысуан лаҵара 13 инаркны 19-нӡа Ҭаҭарстан аҳҭнықалақь Казань.

Сталини Бериеи имҩаԥыргоз аполитика иахырҟьаны, харада ахара рыдҵаны Аԥсны иахцан, иҭакын, ишьын, зықьҩыла аԥсуаа рхаҭарнакцәа. Усҟантәи аамҭа иаргәаҟит хәыҷи дуи. Иҟан ҭаацәала ишынеибаркыз, амаҷ иахырҟьаны Сибреи Абжьаратәи Азиеи уҳәа атәылаҿацәқәа рахь иахыргоз. Анаҩс ишәыдаагалоит Ҳақы Заде иҭоурых.

Аҟәа иаатуеит Фазиль Искандер иҟазара илитературатә рҿиамҭақәа ирызку афестиваль, сынтәа уи апрограмма шышьақәгылоу арадио Sputnik Аԥсны аефир аҟны еиҭалҳәеит акультура аминистр Ельвира Арсалиаԥҳа.

Агәыҳалалратә фонд "Ашана" ДЦП змоу ахәыҷқәа рзы аԥареизгара хацнаркит.

Аԥсны аԥсшьара иманшәалоу, ипрестижу ԥсшьараны иԥхьаӡан. Аԥхын мацарагьы акәым арахь аԥсшьаҩцәа анаауа, аӡынгьы асасцәа рацәаҩуп. Шәышықәса раԥхьеиԥш иахьагьы урҭ арахь иаауеит Амшын Еиқәа ацәқәырԥа ҟәандақәа рзы, ашәҭ фҩы лаҳа-лаҳақәа гәырҭәыла илбаардарц, амшын аҟәараҟынтәи ашьха цаҩ-цаҩқәа рбарц. Убас есқьынагь иҟазаауеит.

Аҭагылазаашьа ҷыдақәа рзы аминистр ихаҭыԥуаҩ Саҭбеи Гындиа арадио Sputnik аефир аҟны дазааҭгылеит аԥхын амшынҭалараан ахәыҷқәа ршәарҭадара азҵаара.

Мшаԥы 13 2018 шықәса рзы Аҟәатәи араионтә ӡбарҭа аӡбрала иара 20 шықәса бахҭала ихгара иқәырҵеит.

Шықәсқәак раԥхьа Ҭырқәтәылантәи Аԥсныҟа нхара ҳәа иааз Саҭанеи Гогәуаԥҳа лҭоурых дазааҭгылоит ажурналист Сырма Ашәԥҳа.

Sputnik Аԥсны апроект "Агәалашәара амҩала" аҟны ишәыдаагалоит Аԥсны Аџьынџьтәылатә еибашьра ахроника.