Диана Задеԥҳа: сандуи сабдуи Сариа Лакоба лзы ашәы ршәуп ҳәа, Аԥсны иахцан
Сталини Бериеи имҩаԥыргоз аполитика иахырҟьаны, харада ахара рыдҵаны Аԥсны иахцан, иҭакын, ишьын, зықьҩыла аԥсуаа рхаҭарнакцәа. Усҟантәи аамҭа иаргәаҟит хәыҷи дуи. Иҟан ҭаацәала ишынеибаркыз, амаҷ иахырҟьаны Сибреи Абжьаратәи Азиеи уҳәа атәылаҿацәқәа рахь иахыргоз. Анаҩс ишәыдаагалоит Ҳақы Заде иҭоурых.