Новости за 06.12.2017

Ааигәа Санкт-Петербург имҩаԥсыуаз акультуратә форум аҳәаақәа ирҭагӡаны имҩаԥган Аԥсны аҭоурыхтә баҟақәа рыхьчара азҵаарала аҵарадырреи акультуреи рзы Еиду Амилаҭқәа рхеилак ахаҭарнакцәеи ҳареи ҳаипылара, абри атәы лҳәеит Аԥсны акультура аминистр Ельвиар Арсалиаԥҳа арадио Sputnik Аԥсны иалҭаз аинтервиу аҿы.

Жәларбжьартәи аолимпиатә комитет иаднакылаз ақәҵара инақәыршәан, урыстәылатәи акоманда 2018 шықәса рзы, Аладатәи Кореиа имҩаԥысран иҟоу аолимпиатә хәмаррақәа рахь инашьҭхом. Ари ақәҵаразы арадио Sputnik Аԥсны астудиаҟны игәаанагара иҳәеит Аԥснытәи аолимпиатә комитет ахада Валери Аршба.

MI5 ахада Аминистрцәа реилазаара адырра риҭеит аҩашаҽны иаԥырҟәҟәааз атеракт аганахь ала.

Аспортсменцәа рзы аолимпида акыр зҵазкуа хҭысуп, Урыстәыла акоманда уи иалахәзароуп, иҳәеит арадио Sputnik астудиаҟны Аԥснытәи олимпиатә комитет ахада Валери Аршба.

Жәларбжьаратәи аолимпиатә еилакы аҩашаҽны ирыдыркылеит аӡбра, Урыстәыла аспортсменцәа 2018 шықәса рзы Пхенчхантәи аолимпиада раламырхәразы.

Гал араион инаркны Аҟәа араион аҟынӡа иааӡахьеит иҿыцу арахә чымазара, ари агәамҵра ду рзаанагоит ажәлар, избан акәзар Аԥсны ирацәоуп арахә, абри атәы иҳәеит Sputnik арадиостудиаҟны Аԥсны Аҳәынҭқарратә ветеринартә маҵзура аиҳабы Роман Џьопуа.

Аԥсны Агәабзиарахьчара аминистр Ҭамаз Ҵахнакьиа араионтә хәышәтәырҭақәа ирзишеит Аԥсны ареспубликатә биуџьет аԥарақәа рыла иаахәоу "Ацхыраара ласы" автомашьынақәа ааба.

Украина Апрокуратура хада Қырҭтәыла уаанӡатәи Ахада, Одессатәи аобласт уаанӡатәи агубернатор Михаил Саакашвили иаанкыларазы ишьҭоуп.

Арокер шықәсык иназынаԥшуа ачымазара бааԥс, кьыбачымазар, даҿагыланы дықәԥон, аха ахимиотерапиа ашьҭахь иҭагылазаашьа еицәахеит.

Арадио Sputnik Аԥсны апроект "Агәалашәара амҩала" захьӡу аҿы Аԥсны Аџьынџьтәылатә еибашьра ахроника шәыдаагалоит, иара хацыркуп нанҳәа 14 2017 шықәса инаркны.

Москватәи аԥсуа диаспора иаԥнаҵаз Агәыҳалалратә еиҿкаара "Аԥсны Агәыҳалалра ацҳаражәҳәаҩцәа" аԥсуа бызшәеи, агәабзиарахьчареи, аҵареи, аспорти ирзырхоу агуманитартә проектқәа аус рыдырулоит.