2016- 2017 шықәсқәа рзы Италиа иаартын ассоциациа "Европа – Аԥсны", анаҩсан Аԥсны Ахәаахәҭра-Ааглыхратә палата ахаҭарнакра Рим ақалақь аҟны, ашьҭахь Аԥсуа культура аинститут, абри атәы иҳәеит Аԥсны адәныҟатәи аусқәа рминистр ихаҭыԥуаҩ Кан Ҭаниа.
Ԥхынҷкәын аказы диит Аԥсны Жәлар рартист, акомпозитор Оҭар Хәынҵариа. Иара 2016 шықәса ажьырныҳәа 15 рзы ицәа иалаз ачымзаара бааԥс иахҟьаны иԥсҭазаара далҵит. Жәлар рмузыка аҿиараҿы зышьаҭа наунагӡа иаанзыжьыз акомпозитор изку агәалашәарақәа ҳацеиҩылшоит, иааигәаны дыздыруаз, аус ицызуаз, Аԥсны Жәлар рартистка Роза Чамагәуаԥҳа.
Абар аӡынра ҳааҭагылеит, шәааи игәаҳҭап ари ашықәс аамҭа иазку ажәақәа аԥсышәала ииашаны рҩышьаԥҟара ахьынӡажәдыруа.
Азиаԥхьатәи абнатә ԥстәқәа иреиуоу, аԥсабараҿы шамахамзар иуԥымло абжьас каҭала иааникылеит Аԥсны атәылауаҩ. Абри ашьҭахь иаразы ҷыдала еибырҭаз аихатә кәыцҳа иҭартәаны Кавказтәи абжьасқәа реиҭашьақәыргыларатә Центр ахь ирышьҭит.
Аԥсныи Адыгатәылеи руаажәларратә палатақәа аусеицуразы аиқәшаҳаҭра рнапы аҵарҩит, абри атәы арадио Sputnik Аԥсны астудиаҟны илҳәеит Аԥсны ауаажәларратә палата алахәыла Гәыли Кьычба.
Аԥсны иҟоу Урыстәыла Аладатәи арратә округ арратә база артиллериатә ҟәша аррамаҵзурауаа аҽазыҟаҵаратә хысрақәа мҩаԥыргеит аполигонқәа Ҵабали Нагвалоуи рҟны. Абри атәы ааицҳаит Аԥсны иҟоу Урыстәыла Аладатәи арратә округ Апресс-маҵзура аиҳабы, аполковник Вадим Астафьев.
Абумеранг гьежьуеит рҳәалоит ирлас-ырласны, ауаҩы гәнаҳак ҟаиҵаны, нас иаргьы азалымдара данақәшәо аамҭазы, ҳәа лгәаанагара ыҟоуп Sputnik аколумнист Елеонора Коӷониаԥҳа.
Аԥсны Ақыҭанхамҩа аминистрра Очамчыра араион Ахадара иазынанашьҭит амармалташь пты анырҵәага – ахимикатқәа рпартиа.
Аӡын раԥхьатәи амш азы арадио Sputnik Аԥсны иалҭаз аинтервиу аҿы аетнолог Цира Габниаԥҳа еиҭалҳәоит избан декабр мза аԥсуаа ҳҿы ԥхынҷкәын ҳәа изашьҭоу.
Очамчыра араион Ахадара абаланс аҟны иамоуп 60 уада. Урҭ рыбжак ашықәс ҿыц аламҭалаз ирыҩналоит аԥшәмацәа гәырӷьахәха.
Очамчыра ақалақь аҟны лассы-лассы имҩаԥыргоит асубботникқәа. Урҭ рхы рыладырхәуеит аҭыԥантәи ауааԥсырагьы.
Арадио Sputnik Аԥсны апроект "Агәалашәара амҩала".
Аԥсны Аҳәынҭқарра аҵиаақәа хылаԥшра рыҭаразы аҳәынҭқарратә инспекциа абҵара 30 рзы 25 шықәса ахыҵит.
Мы не навязываем Вам своё видение, мы даём Вам объективный срез событий дня без цензуры и без купюр. Новости, какие они есть — онлайн (с поминутным архивом по всем городам и регионам России, Украины, Белоруссии и Абхазии).
123ru.net — живые новости в прямом эфире!
В любую минуту Вы можете добавить свою новость мгновенно — здесь.