Ўзбекистон Суперлигаси 8-туридан ўрин олган “Насаф” ҳамда “Машъал” жамоалари ўртасидаги ўйин ўз ниҳоясига етди. Қаршидаги “Марказий” стадионда кечган учрашувда мезбонлар 1:0 ҳисобида ғалаба қозонишди. 17-дақиқада бурчак тўпидан сўнг муборакликлар жарима майдонида саросима бошланди ва юзага келган пала-партишликдан сўнг Ғолиб Ғайбуллае ажойиб тарзда фойдаланиб, ҳисобни очди. Баҳс сўнггига қадар мазкур ҳисоб ўзгаришсиз қолди ва қаршиликлар вилоят дербисида муҳим бўлган 3 очкони қўлга киритди. Ушбу ғалабадан сўнг Рўзиқул Бердиев шогирдлари ҳисобидаги очколар сони 23 тага етди ва жамоа қўшимча кўрсаткичлар эвазига “Сўғдиёна”ни ортда қолдириб, 3-ўринга кўтарилиб олди. Ҳисобида 9 очкоси бўлган “Машъал” эса жадвалнинг 11-поғонасини эгаллаб турибди. НАСАФ – МАШЪАЛ - 1:0 Гол: Ғолиб Ғайбуллаев 16, - 1:0. "Насаф": 35.Абдувоҳид Неъматов, 5.Ғолиб Ғайбуллаев, 8.Дилшод Саитов, 15.Жўрабек Маннонов (3.Жаъфаржон Каримов, 83), 19.Ҳусайин Норчаев, 20.Суҳроб Нуруллоев (50.Шоҳмалик Комилов, 69), 22.Акмал Мозговой, 70.Абубакр Ризо Турдалиев (14.Шокир Йўлдошев, 69), 77.Ойбек Бозоров, 88.Марко Станоевич, 92.Умар Эшмуродов. Захира: 13.Азамат Сойибов, 6.Муродбек Раҳматов, 25.Муҳриддин Зоиров, 28.Сардор Садуллаев, 55.Шаҳзод Акрамов, 71.Жасур Жумаев. "Машъал": 35.Достонбек Тўхтабоев, 2.Зафарбек Акрамов (77.Иброҳим Нўмонов, 80), 7.Ифеани Ифеани, 8.Ибе Мишель Окоро (13.Шаҳзод Шайманов, 70), 11.Самуэль Онониву Чигозе, 15.Муҳаммадали Алиқулов, 17.Жамолиддин Убайдуллаев, 20. Худоёрхон Сагдуллаев (10.Ҳумоюн Муртозаев, 46), 27.Муҳаммадали Юлдашев (18.Аббос Шодмонов, 70), 33.Сирожиддин Аллаев, 99.Жаҳонгир Абдусаломов (22.Сирожиддин Қўзиев, 66). Захира: 1.Ботир Носиров, 6.Абдумалик Норқобилов, 88.Асадбек Жўрақулов, 97.Руслан Хожиев. Огоҳлантириш: Ғолиб Ғайбуллаев 79.
