“Фермерларыбыз җитештергән продукциягә сорау һәрчак зур булачак”, дип ышандырды Марат Әхмәтов
“Фермерларыбыз җитештергән продукциягә сорау һәрчак зур булачак”, дип ышандырды фермерларның ХV съездында республика авыл хуҗалыгы һәм азык-төлек министры Марат Әхмәтов.
Фермерлар, крестьян хуҗалыклары һәм авыл хуҗалыгы кулланучылар кооперативлары съездында районыбыздан авыл хуҗалыгы идарәсе начальнигы Роберт Гадиев җитәкчелегендә 21 кешелек делегация катнашты. Съездда фермерлар алдында торган күп санлы проблемалар күтәрелде. Аларның күбесе кризис белән бәйле иде. Марат Әхмәтов әлеге зур форумда күтәрелгән мәсьәләләрне уңышлы хәл итәргә мөмкинлек булуын әйтә. Билгеле, урындагы җитәкчеләр фермерларның төп яклаучылары һәм ярдәмчеләре булырга тиеш.