Лениногорскида “Мәхәббәт агачы” акциясе
14 февраль көнне бөтен дөнья Гашыйклар көнен билгеләп үтә. Икенче төрле аны “Изге Вәли көне” дип йөртәләр. “Изге Вәли көне” инде 16 гасыр буе яшәп килә, дигән фаразлар да бар. Әмма Мәхәббәт бәйрәмен билгеләп үтү тагын да борынгыдан – борынгы мәҗүсилек сәнгате вакытыныннан ук килә диелә.
14 февраль көнне Лениногорск районы Балалар думасы “Мәхәббәт агачы” акциясе оештырды. Гашыйк парларга лентага бер-берсенең исемен язып, агачка бәйләп куярга тәкъдим ителде. Бу акциядә яңа өйләнешкән парлар белән беррәттән, олылар да бик теләп катнашты.
Лениногорск районы Балалар думасы