Лениногорскида берәүне үз өендә яндырганнар
3 февраль көнне янгын сүндерү частенә шәһәрнең Ленинград урамындагы 71 нче йортында янгын чыгу турында хәбәр килә.
Янгын сүндерүчеләр килгәндә, өч катлы йортның икенче катыннан көчле төтен чыга торган була. Янучы фатирның күршеләре фатирда 1977 елгы хатын-кызның үзе генә яшәвен, аннан алдагы көнне исерек хәлдә күрүләрен, аның фатирда калу мөмкинлеген әйтәләр. Янгын сүндерүчеләр башта урын-җир әйберләре белән бергә янучы диванга тап була, аннары фатир хуҗасының үле гәүдәсен алып чыгалар. Янгынның беренчел сәбәбе – билгесез кеше тарафыннан яндыру, дип хәбәр итә Гадәттән тыш хәлләр министрлыгы сайты.