“Манчестер Сити” “Ливерпуль”ни мағлуб этган ўйин ҳақида бешта хулоса
Англия кубоги чорак финалидаги шиддатли баҳсда “Манчестер Сити” ўз майдонида “Ливерпуль” жамоасини катта ҳисобда енгиб, яна бир бор «Уэмбли» стадионида бўладиган муҳим учрашувга йўлланмани қўлга киритди.
Халқаро ўйинлар танаффусидан кейин Пеп Гвардиола бошчилигидаги жамоа икки ҳафта аввалги “Арсенал”га қарши Англия лигаси кубоги финалидаги ғалабадан кейин яна кубок учун курашга тайёр эканини кўрсатди.
Cityxtra.co.uk сайти экспертлари “шаҳарликлар”нинг “Ливерпуль” устидан қозонган ғалабасидан бешта муҳим хулосани эълон қилди.
Холанд ишончини тиклади
Мавсум бошида ажойиб стартни нишонлаган Холанд бир неча ой гол ва ассистлар сонининг камайиши билан бироз пасайишни сездирган эди. Бу эса жамоа ўйинига салбий таъсир кўрсатди.
Бироқ Англия лигаси кубоги финалидаги яхши ўйинидан сўнг, 25 ёшли футболчи “Ливерпуль”га қарши баҳсда учта гол киритиш билан жамоани ярим финалга олиб чиқишда ҳал қилувчи рол ўйнади. Холанднинг кайфияти тикланиши Премьер-лига чемпионлиги учун ҳал қилувчи босқичга тўғри келди, кубок йўлида эса фақат икки ўйин қолган эди.
“Сити” чемпионликка даъвогарлигини сақлаб қолмоқда
"Манчестер Сити" юқори формада ва чемпионлик учун ҳал қилувчи курашга тайёр. Холанд билан бирга айрим пасайишлар кузатилган бўлса-да, “Реал”га қарши сафар ва “Вест Хэм” билан дурангдан кейин “шаҳарликлар” қайтадан ўйинини кучайтирди.
Манчестердаги “Реал” билан ўн кишилик ўйиндан кейин жамоа “Уэмбли”да ажойиб ўйин кўрсатиб, Лига кубогини қўлга киритди. Шу энергия ва ғалабага бўлган интилиш шанба куни Этиҳаддаги ўйинга ҳам кўчди ва "Сити" мутлақо янги кўринишда майдонга тушди.
Премьер-лига чемпионлиги учун “Арсенал” билан курашда жамоа ушбу фурсатдан фойдаланиб, май ойигача асосий даъвогарлар қаторига қайтиши керак.
Ҳусанов – тезлик ва куч рамзи
Абдуқодир Ҳусанов оммавий ахборот воситаларидан бироз четда қолса-да, Англия кубогидаги ғалабада яна бир бор ажойиб ўйин кўрсатди. У 2025 йилда дебют учрашувидаги хатоларини бартараф этиб, тезлик ва куч-қуввати билан энг тез ҳужумчиларни ҳам орқада қолдириб, тўпни муваффақиятли олиб қўйди.
Шанба куни ҳам Ҳусанов жамоанинг энг муҳим футболчиларидан бири эканини намоён қилди.
Траффорд ишончли ҳаракат қилди
Ёзда асосий дарвозабон мақсадида жамоага келган Жеймс Траффорд биринчи мавсумда осон ўтмади. Аммо имконият берилганда у хотиржам ва ишончли ҳаракат қилди. “Ливерпуль”га қарши ўйинда ҳам пенальтини қайтарди ва "Сити"га ғалаба келтирди. Захира дарвозабони сифатида кўп вақтдан кейин жамоада икки юқори даражадаги дарвозабон мавжудлигини намоён қилди.
Яна “Уэмбли”ни кутмоқда
“Манчестер Сити” мухлислари “Уэмбли”ни “Жанубдаги Этиҳад” деб ҳазиломуз аташади. Гвардиола келганидан бери жамоа Англия терма жамоаси уй стадионига рекорд даражада – 23 марта ташриф буюрди.
Шанба куни осон ғалабадан сўнг "Сити" Англия кубоги ярим финалига чиқди ва яна “Уэмбли”даги учрашувни кутиб олмоқда. Гвардиола жамоаси сўнгги икки мавсумдаги финаллардаги мағлубиятларга реванш олишга ҳаракат қилади, чунки охирги бор 2023 йилда кубокни қўлга киритган ва тарихий треблни амалга оширган эди.