«Бавария» раҳбари «Аталанта» билан жуфтликни жиддий баҳолади
«Бавария» бош директори Ян-Кристиан Дризен Чемпионлар лигаси қуръаси натижасига муносабат билдирди. Мюнхен клуби мураккаб йўлакка тушиб қолди: агар немис гиганти «Аталанта»дан ўтса, кейинги босқичда «Реал» – «Манчестер Сити» жуфтлиги ғолиби билан тўқнаш келади. Бу ҳақда euro-football.ru хабар беради.
Дризеннинг таъкидлашича, тўрнинг ўнг томони нисбатан енгилроқ кўринади, бироқ «Бавария» кучлилар билан ўйнашдан қочмайди. Шунга қарамай, у ҳозирча барча эътибор фақат «Аталанта»га қаратилганини айтди.
«Боруссия»га қарши ўйинлардан кейин бергамоликларни жиддий қабул қилиш кераклиги кўрингани, улар Европа лигасини ютиб, финалда «Байер»ни ҳам мағлуб этгани Дризен томонидан алоҳида эслатилди. «Аталанта»ни “номаълум жамоа” деб бўлмаслигини уқтирган раҳбар кейинги рақиб масаласи кейинроқ кўриб чиқилишини қўшимча қилди.
«Аталанта»нинг навбатдаги ўйини 10 март куни «Байер»га қарши уйда бўлиб ўтади.