Консейсау 3:3 дурангдан кейин ғалабага лойиқ жамоани айтди
“Ювентус” вингери Франсишку Консейсау А Сериясида “Рома”га қарши учрашувдан сўнг фикр билдирди. Римдаги беллашув 3:3 ҳисобида жанговор дуранг билан якунланди. Бу ҳақда euro-football.ru хабар беради.
Туринликлар ўйин давомида 1:3 ҳисобида ортда бориб қолганига қарамай, сўнгги дақиқаларда мағлубиятдан қутулиб кетди. 78-дақиқада Жереми Бога, 93-дақиқада эса Федерико Гатти аниқ зарба билан ҳисобни тенглаштирди. Меҳмонларнинг илк голига 47-дақиқада Консейсау муаллифлик қилди.
“Агар бу оқшом кимдир ғалабага лойиқ бўлган бўлса, бу биз эдик. Голим чиройли чиққані яхши, аммо 1:3 бўлиб турган вазиятда қайтиб, очко олиб кетганимиз мени кўпроқ қувонтирди. Жамоа жуда катта иш қилди ва мағлубиятдан қочишимиз адолатли бўлди”, — дея Консейсаунинг сўзларини журналист Николо Скира келтирди.
Натижадан сўнг “Ювентус” 47 очко билан турнир жадвалида 6-ўринда бормоқда. “Рома” эса 51 очко билан 4-поғонани эгаллаб турибди.