Андронов Дортмунддаги дербида «Бавария» ғалаба қозонишини айтди
Бундеслиганинг навбатдаги турида Дортмунднинг «Боруссия»си ўз майдонида Мюнхеннинг «Бавария»сини қабул қилади. Ушбу марказий тўқнашув олдидан футбол шарҳловчиси Алексей Андронов ўз фикрларини билдирди. Бу ҳақда euro-football.ru хабар беради.
Андроновнинг таъкидлашича, учрашувда «Бавария» фаворит ҳисобланади. Унинг фикрича, «Боруссия» аввало ички муаммоларини тартибга келтириши керак, устига устак, Рюерсон ҳам ўйинни ўтказиб юборади. Шарҳловчи тикиш сифатида «Бавария»нинг ғалабасини танлади.
«Боруссия» — «Бавария» баҳси бугун, 28 февраль куни Дортмунд стадионида бўлиб ўтади ва 22:30 да (Тошкент вақти билан) старт олади. Ўйин арафасида мезбонлар турнир жадвалида иккинчи ўринда бормоқда, меҳмонлар эса пешқадам.