Костакурта «Аталанта»нинг Чемпионлар лигасидаги иродасини алоҳида таъкидлади
Италиянинг «Аталанта» клуби А Сериядан Чемпионлар лигасининг кейинги босқичига чиққан ягона жамоа бўлди. Бергамоликлар Дортмунднинг «Боруссия»сига қарши илк учрашувда 0:2 ҳисобида ютқазганига қарамай, жавоб ўйинида том маънода портлаб, 4:1 ҳисобидаги йирик ғалабани расмийлаштирди. Бу ҳақда euro-football.ru хабар беради.
Учрашувдан сўнг «Милан» афсонаси Алессандро Костакурта «Аталанта»нинг ўйинидан катта таассурот олганини яширмади. Унинг айтишича, бундай камбекни кутмаган, бироқ жамоа ақлбовар қилмас даражадаги учрашув ўтказиб, Италия футболи элитаси сафида эканини яна бир бор исботлаган.
Костакурта алоҳида тарзда Пасаличнинг етакчилик фазилатларини ҳам эътироф этди: у бундай даражадаги лидерни Франко Барези давридан бери учратмаганини таъкидлади.
Эслатиб ўтамиз, «Аталанта» 2024 йилда Европа лигаси ғолибига айланган.