Кафанов ПСЖга Чемпионлар Лигасида яна зафар тилади
Россия терма жамоаси дарвозабонлар мураббийи Виталий Кафанов ПСЖга Чемпионлар Лигасида навбатдаги ғалабани тилади ва парижликлар посбони Матвей Сафоновнинг ўйинини юқори баҳолади. Бу ҳақда euro-football.ru хабар беради.
Кафановнинг айтишича, у Сафоновнинг бу мавсум ПСЖда асосий дарвозабонга айланганидан хурсанд. Мураббий ҳозирча олдиндан хулоса қилиш эрта эканини таъкидлар экан, парижликлар турнир финалигача етиб бориб, совринни яна қўлга киритишини ва Сафонов жамоанинг биринчи рақамли посбони бўлиб қолишини орзу қилишини билдирди.
Эслатиб ўтамиз, ПСЖ Чемпионлар Лигаси плей-офф йўлланмаси учун ўтган икки ўйинлик қарама-қаршиликда «Монако»ни умумий 5:4 ҳисобида ортда қолдирди. Дастлабки учрашувда парижликлар сафарда 3:2 ҳисобида ғалаба қозонган бўлса, жавоб баҳси 2:2 ҳисобидаги жанговар дуранг билан якунланди.
Ўтган мавсумда Луис Энрике бошқарувидаги ПСЖ Чемпионлар Лигаси ғолибига айланган, финалда «Интер»ни 5:0 ҳисобида йирик тарзда мағлуб этганди.