Сантяго Хименеснинг майдонга қайтиш муддати аниқлаштирилмоқда
Мексикалик ҳужумчи Сантяго Хименес 2025 йил 28 октябр куни Италия чемпионати учрашувида жароҳат олиб, сафдан чиққанди. Декабр ойида эса футболчига жарроҳлик амалиёти ҳам ўтказилган. Бу ҳақда euro-football.ru хабар беради.
Операциядан кейин икки ойдан ортиқ вақт ўтгач, унинг майдонга қайтиши бўйича тахминий муддатлар шаклланмоқда. La Gazzetta Dello Sport хабарига кўра, Хименес апрел охири ёки май бошларида жамоага қайтиши мумкин.
Ҳозирча футболчи тикланиш жараёнини давом эттирмоқда ва шифокорлар назоратида. У даволаниш ҳамда реабилитация учун Нидерландиянинг Амстердам шаҳрида.
Эслатиб ўтамиз, “Милан” А Серия турнир жадвалида ҳозирча иккинчи ўринда бормоқда.