Фермин Лопес яна 11 голга етиб, рекордини такрорлади
Ўтган дам олиш кунлари Каталониянинг «Барселона» жамоаси Испания чемпионати аутсайдерларидан бири «Леванте»ни 3:0 ҳисобида мағлуб этди. Учрашувда ярим ҳимоячи Фермин Лопес ҳам навбатдаги голини уриб, мавсумдаги голлари сонини 11 тага етказди. Бу ҳақда euro-football.ru хабар беради.
Шу тариқа у «Барса» сафидаги шахсий самарадорлик рекордини қайтадан такрорлади: 2023/2024 йилги мавсумда ҳам Лопес 11 бор рақиб дарвозасини ишғол қилган. Айни пайтда эса олдинда ҳали етарлича ўйин бор ва у бу кўрсаткични яхшилаш имкониятига эга.
«Барселона» учун эса бу ғалаба муҳим аҳамият касб этди: амалдаги Испания чемпиони ўтган ҳафта охиридаги натижадан сўнг турнир жадвалида яна етакчиликни қайтариб олди.