Масип Флик бошчилигидаги «Барселона»ни янги босқичда кўрмоқда
«Барселона» президенти Жоан Лапортанинг маслаҳатчиси Энрик Масип бош мураббий Ҳанс-Дитер Фликнинг жамоа билан олиб бораётган ишларини юқори баҳолади. Бу ҳақда euro-football.ru хабар беради.
Немис мутахассис ўтган ёзда каталонияликлар бошқарувини қабул қилиб олган эди. Унинг илк мавсумида клуб Испания ичидаги барча учта совринни қўлга киритди, жорий мавсумда эса «Барселона» аллақачон яна Суперкубокни ютишга улгурди.
Масипнинг таъкидлашича, Флик келиши билан «Барселона» ўйин сифати ва натижалар бўйича янги даражага кўтарилди. Унинг фикрича, мухлислар яна футболчилардан фахрланмоқда ва Ламин Ямал ҳамда бошқа юлдузлар билан ўзини бир бутун деб ҳис қиляпти.
Маслаҳатчи клуб истиқболлари ҳақида ҳам ижобий фикр билдирди. У «Камп Ноу» бўйича янги лойиҳа ортиқча хатaрсиз йўлга қўйилганини айтиб, бир ярим йилдан кейин «Барселона» дунёдаги энг яхши стадионга эга бўлишига ишонч билдирди.
Қайд этилишича, каталониялик грандда янги президент сайлови 15 март куни бўлиб ўтади.