Спаллетти ди Грегориони танқидлардан ҳимоя қилди
«Ювентус» бош мураббийи Лучано Спаллетти жамоа дарвозабони Микеле ди Грегорио атрофидаги танқидларга муносабат билдириб, футболчини ҳимоя қилди. Бу ҳақда euro-football.ru хабар беради.
28 ёшли голкипер сўнгги учрашувлардаги муваффақиятсизликларнинг асосий сабабчиларидан бири сифатида кўрилмоқда. Турин клуби охирги тўрт ўйиннинг учтасида мағлуб бўлди ва бу оралиқда 12 та гол ўтказиб юборди.
«Танқидга хотиржам муносабат билдиришни ўрганишимиз керак — ҳаммаси шундан бошланади. Нима бўлишини тахмин қилишни бас қилиш лозим. Масъулият ҳар биримизда: барчамиз танқиднинг ўз улушини қабул қиламиз», — деди Спаллетти матбуот анжуманида ди Грегорио ҳақидаги саволга жавоб бераркан.
Бугун «Ювентус» Чемпионлар лигаси плей-офф босқичи жавоб ўйинида ўз майдонида «Галатасарай»ни қабул қилади. Илк учрашув туринликлар учун йирик ҳисобдаги мағлубият билан якунланган — 2:5.