Фонсека «Лион» билан совринлар ютишга тайёрмиз деди
«Лион» бош мураббийи Паулу Фонсека жамоанинг жорий мавсумдаги ўйини ва натижалари ҳақида фикр билдирди. Клуб барча мусобақаларда кетма-кет 13 та ғалабадан иборат серия қайд этиб, бир вақтнинг ўзида уч турнирда ҳам барқарор футбол намойиш этмоқда. Бу ҳақда euro-football.ru хабар беради.
Фонсека Olympique-et-Lyonnais YouTube каналига берган интервьюсида жамоа совринлар учун курашишга тайёр эканини таъкидлади. Мутахассисга кўра, Лига 1 даги тўртинчи мавсуми айнан ҳозир энг рақобатбардош бўлиб турибди, бироқ у футболчиларнинг амбицияси, мураббийлар штабининг ёндашуви ва жамоанинг доимий ўсишга интилишига ишонади.
Мураббий «Лион» бу мавсумда кўпчилик учун кутилмаган жамоага айланиши мумкинлигини ҳам айтди. У мавсум стартида клуб қандай қийинчиликларни бошдан кечирганини эслатиб, ҳозир жамоа имкони қадар энг яхши спорт формасида эканини қайд этди ва энг муҳими якуний натижа қандай бўлишини алоҳида урғулади.
Ҳозирда «Лион» Франция чемпионатида учинчи ўринда бормоқда. Шунингдек, жамоа Европа Лигаси умумий босқичини биринчи ўринда якунлаб, плей-оффда курашни давом эттиради.