Эрик Гарсия "Барселона"нинг "Реал" билан пойгадаги умидига баҳо берди
"Барселона" ҳимоячиси Эрик Гарсия Ла Лигадаги турнир жадвалида жамоанинг ҳозирги ҳолати ҳақида фикр билдирди. Бу ҳақда euro-football.ru хабар беради.
Каталонияликлар ўтган турда "Жирона"га 1:2 ҳисобида ютқазиб, пешқадамликни бой берди. Натижада "Реал" яна етакчиликка чиқди ва "Барселона"дан икки очко олдинга ўтиб олди.
Гарсиянинг айтишича, "Барселона" Ла Лигада бундан ҳам оғир вазиятларга тушган, аммо барибир фарқни қисқартириб, охир-оқибат чемпионликка эришган. У ҳали олдинда кўплаб ўйинлар борлигини, жамоа тақдири ўз қўлида эканини таъкидлади.
Ла Лиганинг 25-турида "Барселона" ўз майдонида "Леванте"ни қабул қилади. Учрашув 22-февраль, якшанба куни бўлиб ўтади.