Розенёр Кукурелянинг жароҳати бўйича изоҳ берди
«Челси» бош мураббийи Лиам Розенёр ҳимоячи Марк Кукурелянинг ҳолати юзасидан фикр билдирди. Испаниялик футболчи Англия Премьер-лигасида «Лидс»га қарши учрашувда жароҳат олиб, тиббий бўлимга йўл олди. Бу ҳақда euro-football.ru хабар беради.
Мутахассиснинг айтишича, Кукурелянинг майдонга қачон қайтиши бўйича аниқ муддат ҳозирча йўқ. У «Лидс» билан ўйиннинг биринчи бўлимидайоқ сон орқа пайи (ҳамстринг)дан шикастланган. Розенёр футболчининг йўқотилиши ачинарли эканини таъкидлаб, уни дунёдаги энг кучли чап қанот ҳимоячиларидан бири деб атади.
Шу билан бирга, мураббий бу позицияда жамоада вариантлар борлигини ҳам эслатди: Ҳато ва Густо чап қанотда ўйнай олади, таркибда ўрнини босишга қодир футболчилар етарли.
Аввалроқ ОАВда Кукурелянинг тикланиши тахминан уч-тўрт ҳафта давом этиши мумкинлиги ҳақида хабарлар тарқалган эди.