Франческо Тотти Бастони можаросига муносабат билдирди
Римнинг “Рома” клуби собиқ ҳужумчиси Франческо Тотти “Интер” ҳимоячиси Алессандро Бастони билан боғлиқ баҳсли эпизод ҳақида фикр билдирди. “Интер”нинг “Ювентус”га қарши учрашувида Бастони нозик симуляция орқали ҳакамларни ишонтириб, жамоаси учун пеналти белгиланишига эришгани муҳокамаларга сабаб бўлганди. Бу ҳақда euro-football.ru хабар беради.
Тоттининг айтишича, бундай ҳолатлар футболда доим бўлган ва яна такрорланади. У бу масалада аниқ ва қатъий қоида бўлиши кераклигини таъкидлади, акс ҳолда шунга ўхшаш эпизодлар йиллар ўтса ҳам қайта юз беришини қайд этди.
Эслатиб ўтамиз, Тотти футболчилик фаолиятини 2017 йилда якунлаган. Унинг собиқ клуби “Рома” ҳозирда А Серия турнир жадвалида бешинчи ўринда бормоқда, чемпионатда эса айнан “Интер” пешқадамлик қилмоқда.