Симеоне Облак танқидига жавоб бериб, баҳсни ёпди
Мадриднинг "Атлетико" клуби "Райо Вальекано"дан 0:3 ҳисобида енгилгандан кейин, жамоа дарвозабони Ян Облак бош мураббий Диего Симеоненинг ўйин учун энг кучли таркибни туширмаган қарорини танқид қилганди. Словениялик посбон бу учрашувга ёндашувни шубҳа остига қўйди. Бу ҳақда euro-football.ru хабар беради.
Орадан кўп ўтмай, Симеоне Облакка жавоб қайтарди. "Мен у билан рози эмасман. Биз қайси ўйинда майдонга тушиб, қайсисида кутиб туришни танламаймиз. Шунчаки учрашувни ёмон ўтказдик. "Райо" биздан яхшироқ ўйнади", — дея аргентиналик мутахассиснинг сўзларини derbyderbyderby.it келтирди.
Айни пайтда "Атлетико" Испания чемпионати турнир жадвалида учинчи ўринда бормоқда.