Тоттенҳем Тудорга қарамай Почеттинони қайтариши мумкин
Лондоннинг “Тоттенҳем” клуби раҳбарияти жамоа бош мураббийлиги учун Маурисио Почеттинони яна қайтариш ғоясидан воз кечмаган. Бу ҳақда Telegraph нашри хабар берди. Бу ҳақда euro-football.ru хабар беради.
Аввалроқ Игор Тудор “шпорлар” билан жорий мавсум якунигача мўлжалланган келишув имзолагани ҳақида маълумотлар тарқалган эди.
Манбага кўра, клуб Тудорни тайинлаш эҳтимоли борлигига қарамай, ёзда ҳозирда АҚШ терма жамоасини бошқараётган Почеттинони қайтариш вариантини очиқ қолдирмоқда. Тудорнинг “Тоттенҳем” билан шартномаси 2026 йил июнигача амал қилади, Почеттинонинг АҚШ билан келишуви эса жаҳон чемпионати якунидан кейин тугайди.
Қайд этилишича, “Тоттенҳем” ҳозирча Тудорни расман мураббий этиб эълон қилмаган. Аввалроқ клуб натижалар қониқарсиз бўлгани сабаб Томас Франк билан хайрлашганини билдирган эди.
Премьер-лиганинг 26 туридан сўнг “Тоттенҳем” 29 очко билан турнир жадвалида 16-ўринда бормоқда.
Шунингдек, “Тоттенҳем” бош мураббийлик учун уч номзод орасидан танлов қилаётгани ҳам таъкидланмоқда.