Наумов Моуриньо учун Саудия чемпионатини маъқул кўрди
“Локомотив”нинг собиқ президенти Николай Наумов “Бенфика” бош мураббийи Жозе Моуриньо фаолиятини давом эттириши мумкин бўлган энг мос йўналиш ҳақида фикр билдирди. У бу борадаги мулоҳазаларини “Евро-Футбол.Ru” нашрига берган интервьюсида айтиб ўтди. Бу ҳақда euro-football.ru хабар беради.
Наумовнинг таъкидлашича, Моуриньонинг энг кучли даври ортда қолган ва мутахассисга танаффус фойда бериши мумкин. Эксперт фикрича, авваллари сирли, кутилмаган ва ўзига хос услуби билан танилган мураббий ҳозир кўпроқ оддий ва стандарт қарорларга таянадиган даражага тушиб қолган.
Наумов Моуриньо учун энг қулай вариант сифатида Саудия Арабистонини тилга олди: у ерда маошлар юқори, шов-шув ва можароларни ёқтиришади, шунингдек тажрибали, ёши катта юлдуз футболчилар билан ишлаш имконияти ҳам бор. Унингча, айнан шу муҳит португалиялик мураббийга мос тушади.
Эслатиб ўтамиз, Моуриньо бошчилигидаги “Бенфика” Чемпионлар лигаси 1/16 финалида Мадриднинг “Реал” жамоасига қарши майдонга тушади. Илк учрашув 17-февраль куни Португалияда бўлиб ўтади.