Мбаппе кетма-кет олти ўйинда гол уриб, Европада етакчи бўлди
Испания чемпионатининг навбатдаги турида Мадриднинг “Реал” клуби мамлакат жанубига, Валенсияга сафар уюштирди ва “ярасалилар”га қарши учрашувнинг иккинчи бўлимида жавобсиз икки гол урди. Ўйиндаги иккинчи тўп муаллифи Килиан Мбаппе бўлди. Бу ҳақда euro-football.ru хабар беради.
Шу тариқа француз ҳужумчиси Ла Лигадаги гол сериясини кетма-кет олти учрашувга етказди. Бу серия ўтган йил 14-декабр куни “Алавес” дарвозасига киритилган гол билан бошланган ва ҳозирга келиб олти ўйин давом этмоқда.
Мбаппенинг ушбу натижаси ҳозирги вақтда Европанинг топ-5 чемпионатлари орасида энг яхши амалдаги кўрсаткич ҳисобланади.