Аргентинанинг «Килмйес» клуби стадионни янгилашга ёрдам сўради
Аргентинадаги энг қадимий клублардан бири — 1887 йилда ташкил топган «Килмйес» ҳозир мураккаб даврни бошдан кечирмоқда. Жамоа раҳбарияти клубни қўллаб-қувватлаб келаётган мухлисларга мурожаат қилиб, стадионни янгилаш ишларида ёрдам сўради. Бу ҳақда euro-football.ru хабар беради.
Гап одатдаги хайрия ёки маблағ йиғиш ҳақида эмас. Клуб бу сафар мухлисларни анъанавий услубда — стадионга келиб, қайта қуриш жараёнида жисмонан ишлаш ва белгиланган вазифаларни бажаришга таклиф қилди.
Жанубий яримшарда жазирама ёз бўлишига қарамай, «Килмйес» ишқибозлари чақириққа ижобий жавоб бериб, ташаббусни қўллаб-қувватлади.