Ди Мария «Реал» футболчисининг ундан устун томонини айтди
Мадриднинг «Реал» клубида тўп суриб кетган Анхел ди Мария «қаймоқранглилар» ярим ҳимоячиси Франко Мастантуононинг савиясига юқори баҳо берди. Бу ҳақда euro-football.ru хабар беради.
Аргентиналик футболчининг айтишича, кўпчилик Мастантуонони у билан қиёслайди, бироқ ди Мария Франко ўзидан ҳам истеъдодлироқ эканини таъкидлади. У Мастантуононинг дриблинги анча кучли эканини, уни эса «экстра-класс» ижрочи деб атади. Ди Мария Франконинг ҳали бутун фаолияти олдинда эканини, сўнгги пайтда кўпроқ майдонга тушаётгани ва «Реал»дагидек муҳитда янада ўсиши мумкинлигини қўшимча қилди.
Маълумот учун, Мастантуоно «Реал» сафига ўтган йил ёзида келиб қўшилган. Ярим ҳимоячи Мадрид гранди билан 2031 йилнинг ўрталаригача мўлжалланган узоқ муддатли шартнома имзолаган.