Генич Арбелоанинг «Реал Мадрид» бошидаги ҳафтасини телба деб атади
Машҳур шарҳловчи Константин Генич Мадриднинг «Реал» клубида янги бош мураббий сифатида иш бошлаган Альваро Арбелоанинг илк кунлари ҳақида фикр билдирди. Бу ҳақда euro-football.ru хабар беради.
Геничнинг айтишича, Арбелоа учун ҳафта ниҳоятда оғир кечган: жамоа «Альбасете»га ютқазиб мусобақадан чиқиб кетди, ундан кейин эса «Леванте»га қарши жуда мураккаб ўйинда «Реал» анча қийналди. Шарҳловчи бу давр Арбелоа учун кўп жиҳатдан биринчи тажриба бўлганини, шунингдек, «Монако» билан боғлиқ эпизодлар ҳам бўлганини таъкидлади. У бу гапларни «Komment.Shou» YouTube-каналида айтди.
Эслатиб ўтамиз, Арбелоа «қироллик клуби»ни испаниялик бошқа мутахассис Хаби Алонсо истеъфога чиққанидан кейин қабул қилиб олганди.
«Реал»нинг навбатдаги учрашуви Чемпионлар лигаси умумий босқичининг сўнгги тури доирасида Лиссабоннинг «Бенфика» жамоасига қарши ўтади.