Жикия агенти ҳимоячининг «Анталяспор»ни тарк этиши ҳақида гапирди
«Анталяспор» ҳимоячиси Георгий Жикиянинг агенти Владимир Кузьмичёв футболчининг келажаги борасидаги миш-мишларга муносабат билдирди. Бу ҳақда euro-football.ru хабар беради.
Агентнинг айтишича, Жикиянинг ҳолати яхши ва клуб унга ишонмоқда. Сўнгги учрашувларда у майдонга тушмаганига сабаб микрожароҳат бўлиб, ҳозир тикланиб олган ва кейинги ўйинда яна ўйнаши кутилмоқда.
Эслатиб ўтамиз, аввалроқ ОАВда турк клуби «Спартак»нинг собиқ сардори билан хайрлашмоқчи экани ҳақида хабарлар тарқалган эди.
Жикия бу мавсум Туркия чемпионатида 12 та ўйинда қатнашиб, 2 та гол урди. Унинг «Анталяспор» билан амалдаги шартномаси 2027 йилнинг ўрталаригача мўлжалланган.