Франсияда ҳам Жаҳон чемпионатини бойкот қилиш эҳтимоли бор
Аввалроқ АҚШда ўтадиган Жаҳон чемпионати айрим «прогрессив европалик» давлатлар томонидан бойкот қилиниши мумкинлиги ҳақида хабар берилганди. Бу борада энг кўп гап Германиядан янграмоқда. Энди эса вазиятга Франсия спорт вазири Марина Феррарининг ҳам муносабати маълум бўлди. Бу ҳақда euro-football.ru хабар беради.
Феррарининг айтишича, ҳозирча Франсияда турнирни бойкот қилиш нияти йўқ. Бироқ у вазият қандай ўзгаришини кузатиб боришларини таъкидлаб, келгусида ҳеч нарсани инкор этмаслигини билдирди.
Эслатиб ўтамиз, Жаҳон чемпионати 11 июн куни старт олади ва уч мамлакат — АҚШ, Мексика ҳамда Канадада ўтказилади. Франсия терма жамоаси амалдаги жаҳон вице-чемпиони ҳисобланади.