Балогун «Гавр»га қарши ўйин олдидан огоҳлантирди
«Монако» ҳужумчиси Фоларин Балогун Лига 1нинг 19-турида «Гавр»га қарши бўладиган учрашув олдидан фикрлари билан ўртоқлашди. Бу ҳақда euro-football.ru хабар беради.
Форварднинг айтишича, монаколиклар бугунги рақибига ҳурмат билан қарайди, бироқ сафардаги ўйинда ҳам уч очкони олиш ниятида қатъий.
«Бу жуда жисмоний кучли жамоага қарши қийин баҳс бўлади. Биз бемалол ўтириб, фақат «Реал»га қарши ўтган ўйинни ўйлаб қолишимиз мумкин, аммо бу бизга ёрдам бермайди», — дея Балогуннинг сўзларини клуб матбуот хизмати келтирди.
Эслатиб ўтамиз, ҳафта ўртасида «Монако» Чемпионлар лигасида Мадриднинг «Реал» клубига 1:6 ҳисобида йирик мағлуб бўлганди.
18 турдан сўнг «Монако» 23 очко билан турнир жадвалида 9-ўринда бормоқда. «Гавр» — «Монако» учрашуви 24-январ куни рақиб майдонида бўлиб ўтади ва 23:00 да (Тошкент вақти билан) бошланади.