Европанинг олти гранди ПСЖ юлдузи Баркола ортидан тушди
ПСЖ қанот ҳужумчиси Бредли Баркола Европанинг етакчи клублари эътиборини тобора кучлироқ тортмоқда. Бу ҳақда euro-football.ru хабар беради.
Журналист Экрем Конурнинг хабарига кўра, 23 ёшли футболчининг ҳолатини “Бавария”, “Ливерпул” ва “Манчестер Юнайтед” яқиндан кузатмоқда. Шунингдек, Баркола “Арсенал”, “Челси” ҳамда “Тоттенҳэм”нинг ҳам қизиқиш доирасида.
Бироқ қишки трансфер ойнасида келишувга эришиш деярли имконсиз: ПСЖ раҳбарияти футболчини қўйиб юборишни режалаштирмоқда эмас.
Жорий мавсумда Баркола парижликлар сафида 21 учрашувда 5 гол урди ва 3 бор голли пас узатди. “Лион” тарбияланувчисининг бозор қиймати Transfermarkt талқинига кўра 70 млн еврога баҳоланмоқда.