Эндрик «Реал»дан кетишига ЖЧМ сабаб бўлмаганини айтди
Бразилиялик футболчи билан келишувга эришилгани ҳақидаги хабарлар бир неча ой аввал пайдо бўлган, сешанба куни эса битим расман тасдиқланди. Diario AS маълумотига кўра, Эндрикнинг кетишидаги асосий сабаб жаҳон чемпионатига бориш истаги эмас.
Футболчи Хаби Алонсога ўз салоҳиятини исботламоқчи бўлган, бироқ мураббий унга деярли имконият бермаган. Вундеркинд мураббий кўпроқ ишонч билдирганида, жамоага анча фойда келтира олишини таъкидлаган.
Шунингдек, Эндрик Францияга жўнаб кетишидан олдин «Реал»дагиларга клубдаги ҳикояси ҳали якунланмаганини айтган. Ҳужумчи қайтганидан кейин албатта муваффақиятга эришишини маълум қилган.