Զբոսաշրջության ոլորտում Թուրքիայի եկամուտները նվազել են 10 մլրդ դոլարով
2016թ.-ի ընթացքում Թուրքիայի զբոսաշրջային ոլորտի ընդհանուր եկամուտը կազմել է 22 մլրդ 107 մլն ԱՄՆ դոլար, ինչը 10 մլրդ դոլարով պակաս է 2015թ.-ի տվյալից:
Ինչպես հայտնում է թուրքական diken.com.tr կայքը՝ հղում անելով Թուրքիայի պետական վիճակագրական կազմակերպությանը (TÜİK), 2016-ին Թուրքիա այցելած զբոսաշրջիկների թիվը նվազել է շուրջ 24.6 տոկոսով:
Կայքը նաև նշում է, որ Թուրքիայում հանգստացող զբոսաշրջիկներից 25.2 մլն-ը՝ այսինքն շուրջ 80.6 տոկոսը օտարերկրացիներ են, իսկ մնացածները՝ արտերկրում բնակվող թուրքեր: