Մոուրինյու. Վստահ հաղթանակները կարևոր են թիմում հրաշալի մթնոլորտ ստեղծելու համար
«Մանչեսթեր Յունայթեդի» գլխավոր մարզիչ Ժոզե Մոուրինյուն մեկնաբանել է Անգլիայի Գավաթի 1/32 եզրափակչում «Ռեդինգի» հանդեպ տարած ջախջախիչ հաղթանակը:
Հանդիպումը կայացել է «Օլդ Թրաֆորդ» մարզադաշտում և ավարտվել 4:0 հաշվով:
«Այսպիսի վստահ հաղթանակները շատ կարևոր են թիմում հրաշալի մթնոլորտ ստեղծելու համար: Երջանիկ եմ, քանի որ հենց առաջին րոպեից երևաց թիմի պրոֆեսիոնալ աշխատանքը:
Ուրախ էի տեսնել քիչ խաղաժամանակ ստացող ֆուտբոլիստներին լավ մարզավիճակում»,- պորտուգալացու խոսքն է մեջբերում BBC-ն: