Մոսկվայում սառնամանիքի պատճառով «կեղծ արև» է հայտնվել (լուսանկարներ)
Մոսկվայում սառնամանիքները գեղեցիկ օպտիկական երևույթ են առաջացրել, որը կոչվում է գալո կամ ձմեռային ծիածան («կեղծ արև»):
ТАСС-ի հաղորդմամբ` արևի շուրջ լույս արձակող օղակի տեսքով օպտիկական ֆենոմենը տեսանելի է եղել նաև Դմիտրովսկի և Կլինսկի շրջանների բնակիչների համար:
«Կեղծ արևները հայտնվում են մթնոլորտում ընկնող սառույցի մասնիկներում տեղի ունեցող լույսի բեկումների հետևանքով: Ընդ որում երկնքում կարելի է տեսնել արեգակի մեկ կամ մի քանի լրացուցիչ պատկեր, որոնք գտնվում են նույն բարձրության վրա հորիզոնի վերևում, ինչ իսկական արեգակը: Ուղղահայաց մակերեսով սառույցի միլիոնավոր բյուրեղներ արտացոլում են լուսատուն և ձևավորում այս գեղեցկագույն երևույթը», - պարզաբանել է Հիդրոօդերևութաբանության կենտրոնը:
Ինչպես ավելի վաղ հայտնել է Tert.am-ը, Մոսկվայում այս գիշեր գրանցվել է 21-րդ դարի ամենացուրտ Սուրբծննդյան գիշերը: