Սեյրան Օհանյանը Իվան Վոլինկինի հետ քննարկել է հայ-ռուսական ռազմավարական գործընկերության հետագա զարգացման ընթացքը
Օգոստոսի 24-ին տեղի է ունեցել ՀՀ պաշտպանության նախարար Սեյրան Օհանյանի հանդիպումը Հայաստանի Հանրապետությունում Ռուսաստանի Դաշնության արտակարգ և լիազոր դեսպան Իվան Վոլինկինի հետ:
ՀՀ ՊՆ տեղեկատվության և հասարակայնության հետ կապերի վարչությունից հայտնում են, որ հանդիպման ընթացքում քննարկվել են հայ-ռուսական ռազմավարական գործընկերության հետագա զարգացման ընթացքը, տարածաշրջանային անվտանգության խնդիրները և երկկողմ հետաքրքրություն ներկայացնող այլ հարցեր: