Ռիհաննան Մայքլ Ջեքսոնի անվան MTV մրցանակ կստանա
Երգչուհի Ռիհաննան կստանա Մայքլ Ջեքսոնի անվան MTV մրցանակ, հայտնում է Billboard-ը: Մրցանակի ամբողջական անվանումն է` Michael Jackson Video Vanguard Award: Նախկինում նման մրցանակ ստացել են Քանյե Ուեսթը և Բեյոնսեն:
Մրցանակաբաշխության արարողությունը կկայանա օգոստոսի 28-ին՝ Նյու Յորքում: Ինչպես հայտնել է Ռիհաննան, իր համար մեծ պատիվ է բարձրանալ բեմ որպես MTV-ի պատվավոր մրցանակակիր:
Բացի դրանից՝ երգչուհին հավակնում է մրցանակ ստանալ ևս 4 անվանակարգերում։
Աղբյուրը նշում է, որ Ռիհաննայի հոլովակները բազմիցս ապշեցրել և հիացրել են: YouTube-ում նրա էջն արդեն ավելի քան 9.6 մլրդ դիտում ունի: