Թուրքիայի նախագահը հայտարարել է Մոսկվայի հետ հարաբերությունների նոր փուլը ոգևորությամբ սկսելու ցանկության մասին
Անկարան ցանկանում է ոգևորվածությամբ սկսել Մոսկվայի հետ հարաբերությունների նոր փուլը: Այս մասին հայտարարել է Թուրքիայի նախագահ Ռեջեփ Թայիփ Էրդողանը. փոխանցում է ՏԱՍՍ գործակալությունը:
Թուրք առաջնորդի խոսքով՝ դա վերաբերում է ռազմական, քաղաքական, տնտեսական և մշակութային ոլորտներին, ինչպես նաև տուրիզմին և այլ ուղղություններին:
Էրդողանը դժգոհել է նաև, որ արևմտյան քաղաքական գործիչներից գրեթե ոչ ոք չի այցելել Թուրքիա պետական հեղաշրջման փորձից հետո, որն իրականացվել է հուլիսի 16-ին:
«Մենք ցավում ենք, որ դա այդպես է»,- ասել է Էրդողանը:
Նա նաև նշել է, որ այն հարձակումների ֆոնին, որոնք իրականացվում են Թուրքիայում Սիրիայի հետ սահմանին, իր երկիրը «զգում է իրեն ինչպես բախտի քմահաճույքին թողնված»:
Հիշեցնենք, որ Ռուսաստանի և Թուրքիայի միջև հարաբերությունները սրվել էին նախորդ տարվա նոյեմբերին ռուսական ինքնաթիռի վրա հարձակումից հետո: Գրեթե կես տարի անց` 2016թ. հունիսին, Էրդողանը ներողություն է խնդրել ՌԴ նախագահ Վլադիմիր Պուտինից: