Ստամբուլի ոստիկանությունը ռետինե փամփուշտներ և արցունքաբեր գազ է կիրառել ԼԳԲՏ համայնքի ցույցը ցրելու համար
Թուրքական ոստիկանությունը կիրակի ռետինե փամփուշտներ և արցունքաբեր գազ է կիրառել Ստամբուլում ԼԳԲՏ համայնքի անդամների 50 հոգանոց հավաքը ցրելու համար:
Ինչպես հաղորդել է Agence France Presse-ի թղթակիցը` հարյուրավոր ոստիկաններ շրջապատել են Ստամբուլի գլխավոր Թաքսիմ հրապարակը` կանխելու տրանսգենդերների ամենամյա երթը, որը տեղի է ունենում մուսուլմանների սուրբ ամսվա` Ռամադանի տոնակատարության շրջանակներում:
Ինչպես ավելի վաղ հաղորդվում էր` թուրք ոստիկանները արցունքաբեր գազ, ջրցան մեքենաներ և ռետինե փամփուշտներ են կիրառել հարյուրավոր ցուցարարների դեմ շաբաթ երեկոյան, ովքեր փողոց էին դուրս եկել Ստամբուլում ձայնագրման խանութի սեփականատերերին և Radiohead խմբի երկրպագուներին աջակցելու համար: