Օդրի Տոտուն` «Հավերժություն» ֆիլմի թրեյլերում (տեսանյութ)
Ալիսա Ֆերնեյի «Այրիների նրբագեղությունը» վեպի մոտիվներով նկարահանված «Հավերժություն» դրամայում աստղային եռյակ է հավաքվել`Օդրի Տոտու, Մելանի Լորան և Բերենիս Բեժո:
Ֆիլմի ռեժիսորն է վիետնամցի Չան Ան Հունգը, ով նաև սցենարն է համապատասխանեցրել նկարահանումներին: Ե՛վ գրքում, և՛ ֆիլմում գործողություններն ընթանում են բուրժուական ծագմամբ 3 այրի կանանց և նրանց երեխաների շուրջ:
Հերոսուհիների ամուսինները, որոնց կյանքն ըստ սյուժեի ընթանում է 19-րդ դարի վերջին-20-րդ դարի սկզբին, մահացել են պատերազմի ժամանակ, ինչից ենթադրություն է արվում, որ կպատմվի ուժեղ կանանց մասին հերթական պատմությունը, այն մասին` ինչպես են նրանք հաղթահարում բոլոր դժվարությունները:
Համաշխարհային վարձույթում ֆիլմը կլինի սեպտեմբերի 7-ին, գրում է buro247.ru-ն: