Թուրքիան չի դավաճանի իր շահերին հանուն ԵՄ-ի. Յըլդըրըմ
Թուրքիան չի դավաճանի իր շահերին հանուն Եվրոպական միության և չի թուլացնի երկրի ներսում ահաբեկչության դեմ պայքարը, անգամ եթե ԵՄ-ն չչեղարկի վիզային ռեժիմն Անկարայի հետ, ասել է Թուրքիայի վարչապետ Բինալի Յըլըրըմը։
Ինչպես տեղեկացնում է «Անադոլու» գործակալությունը, երկրի վարչապետը նշել է, թե ԵՄ-ից հավաստիացնում են, որ Թուրքիան իրենց դաշնակիցն է, սակայն պահանջում են հրաժարվել ահաբեկչության դեմ պայքարից։
«Թուրքիան այն երկիրը չէ, որին կարելի է պայմաններ թելադրել»,-ասել է նա։
Ավելի վաղ Թուրքիայի նախագահ Ռեջեփ Թայիփ Էրդողանը հայտարարել էր, որ «ԵՄ-ն շարունակում է անդամակցության հարցում մոլորության մեջ գցել Թուրքիային, և նման իրադրությունը վշտացնում է իրենց»։