Բաքվում քաղաքացիական ակտիվիստ է ձերբակալվել
Բաքվի օդանավակայանում գիշերը, Կիևից վերադառնալուց հետո, ձերբակալվել է քաղաքացիական ակտիվիստ Յալչին Գահրամանօղլուն։
Ինչպես տեղեկացնում է contact.az-ը, այդ մասին սոցցանցերում հաղորդել են ակտիվիստի ընկերները՝ նշելով, որ նա եկել էր մոր հուղարկավորությանը մասնակցելու։
Ձերբակալության պատճառը չի հաղորդվում։ Ըստ ոչ պաշտոնական տեղեկությունների՝ Գահրամանօղլուն ուղարկվել էր ՆԳՆ կազմակերպված հանցավորության դեմ պայքարի վարչություն, որտեղ էլ գտնվում է այժմ։
ՆԳՆ մամուլի ծառայությունը չի մեկնաբանել ձերբակալումն ու դրա պատճառները։
Յալչին Գահրամանօղլուն արդեն մի քանի տարի բնակվում է Կիևում և հանդիսանում է Ադրբեջանի ժողովրդավարական ուժերի ազգային խորհրդի տեղի ներկայացուցիչը։