Բրազիլիայի նախագահը դուրս է բերում իրերը նստավայրից՝ չսպասելով իր «ճակատագրի» հարցով քվեարկության արդյունքներին
Բրազիլիայի նախագահ Դիլմա Ռուսեֆը, չսպասելով Սենատում իր պաշտոնից հեռացման հարցով քվեարկության ավարտին, հրահանգել է տեղափոխել իրերը նախագահական պալատից, գրում է РИА Новости-ն:
Սենատն արդեն ավելի քան 10 ժամ է՝ քննարկում է Ռուսեֆին պաշտոնից 180-օրյա ժամկետով հեռացնելու հնարավորությունը: Ելույթ ունեցած 35 սենատորից դեռ 28-ն է արտահայտվել պաշտոնից հեռացման օգտին: Ըդհանուր առմամբ, այդ գործընթացի համար անհրաժեշտ է խորհրդարանի վերին պալատի 41 անդամի ձայնը:
Մեքսիկական Vanguardia պորտալը նշում է, որ Planalto նախագահական պալատից Palacio de la Alvorada նստավայր են տեղափոխվել նկարներ և զարդեր, որոնք Ռուսեֆի սեփականությունն են:
Բացի այդ, տեղադրվել են լրացուցիչ պատնեշներ նախագահական պալատից դուրս գալու հատվածում:
Եթե սենատորները դրական որոշում կայացնեն Ռուսեֆի իմպիչմենտի վերաբերյալ, պետության ղեկավարի պաշտոնը ժամանակավորապես կանցնի փոխնախագահին: Այնուհետև Սենատը ևս մեկ անգամ՝ արդեն վերջնական, կքննարկի նախագահի պաշտոնանկության հարցը: