Փորձում ենք մոռանալ նախորդ խաղն ու կենտրոնանալ Իռլանդիայի հետ հանդիպման վրա. Վարազդատ Հարոյան
Հայաստանի հավաքականի ավագ Վարազդատ Հարոյանը խոսել է վաղը՝ սեպտեմբերի 27-ին կայանալիք Իռլանդիայի հետ խաղի մասին։ Ազգերի լիգայի խմբային փուլի 6-րդ տուրում Հայաստանի հավաքականը կհյուրընկալվի Իռլանդիայի ընտրանուն։
«Մենք փորձում ենք մոռանալ նախորդ խաղը։ Վատ օր էր մեր համար, բայց վաղը նոր խաղ է և մենք փորձելու ենք ցույց տալ, որ կարող ենք լավ խաղ ցուցադրել և նվիրվել 100 տոկոսով։
Մենք լավ խաղ ենք անցկացրել Իռլանդիայի հետ Երևանում։ Մրցակիցը ուժեղ թիմ ունի։ Հույս ունեմ, որ վաղը մենք կարող ենք խաղալ այնպես, ինչպես Երևանում։
Արդեն երկու տարի է մեր երկրում դժվար ժամանակներ են։ Մենք որպես ֆուտբոլիստներ փորձում ենք ուրախություն պարգևել մեր ազգին։
Մեզ համար շատ դժվար է։ Բոլորը գիտեն, թե ինչ է պատերազմը։ Կփորձենք առավելագույնս լավ խաղ ցուցադրել»,- ասել է Հարոյանը նախախաղային ասուլիսի ժամանակ։